საიტი ხშირად პირველი ნაბიჯია, არა ბოლო. ქვემოთ ის სერვისებია, რომლებსაც ყველაზე ხშირად გვთხოვენ საიტის ჩაბარების შემდეგ — ფასებით და იმის აღწერით, ვის რისთვის გამოადგება.
როცა საიტი უკვე გაქვს ან სხვა ფორმატი გჭირდება
საიტი გაქვს, მაგრამ მობილურზე იშლება, ნელა იტვირთება ან Google-ში არ ჩანს. ვიღებთ არსებულ კონტენტს, თავიდან ვაწყობთ სწრაფ და ადაპტირებულ ვერსიას და ვინარჩუნებთ ძველ მისამართებს, რომ დაგროვილი პოზიციები არ დაიკარგოს.
ქართული, ინგლისური, რუსული. ტურიზმში, სამედიცინო და საექსპორტო სფეროებში ეს ხშირად უფრო მეტს იძლევა, ვიდრე ახალი გვერდები — რადგან სულ სხვა აუდიტორიას ხსნის.
სრულფასოვანი ონლაინ მაღაზია ბანკის ინტეგრაციით ჩვენი მასშტაბი არ არის და ამას პირდაპირ ვამბობთ. სამაგიეროდ ვაწყობთ კატალოგს, სადაც პროდუქცია, ფოტოები და ფასები ლამაზადაა ჩამოწერილი, შეკვეთა კი ფორმით ან WhatsApp-ით ფორმდება. მცირე ბიზნესის უმეტესობას სწორედ ეს სჭირდება და რამდენჯერმე იაფია.
ის, რაც საიტს სჭირდება, მაგრამ კოდთან კავშირი არ აქვს
თუ ლოგო არ გაქვს ან ძველი აღარ გამოდგება. სამი ვარიანტიდან ირჩევ, შემდეგ არჩეულს ვასრულებთ და გაძლევთ ყველა ფორმატში, რაც პრაქტიკაში დაგჭირდება.
თუ საერთოდ არაფერი გაქვს დაწერილი. ვსაუბრობთ 20-30 წუთი, ვიგებთ რას აკეთებ და ვინ არის შენი კლიენტი, შემდეგ ვწერთ საიტის ყველა ტექსტს — ისე, როგორც კლიენტი ამბობს და არა როგორც შენს სფეროშია მიღებული.
თუ Facebook გვერდი ჯერ არ გაქვს ან არსებული მიტოვებულია. ვქმნით, ვაწყობთ და ვაკავშირებთ საიტთან.
რაც საიტს გამოქვეყნების შემდეგ სჭირდება
ყველაზე ხშირი მიზეზი, რის გამოც საიტი ფუჭდება, უყურადღებობაა: ვადაგასული დომენი, მოძველებული ფასები, გაუკეთებელი სარეზერვო ასლი. ეს პაკეტი ამას იღებს შენგან.
რომ იცოდე, რამდენი ადამიანი შემოდის, საიდან და რომელ გვერდზე ჩერდება. ამის გარეშე საიტის შედეგზე მსჯელობა შეუძლებელია.
არსებული საიტისთვის, ჩვენით დამზადებულის ჩათვლით თუ არა. ვამოწმებთ და ვწერთ, რა აფერხებს — გასაგები ენით, არა ტექნიკური ჟარგონით.
ბიზნესის რეგისტრაცია და გამართვა Google Maps-ზე, რომ ლოკალურ ძიებაში გამოჩნდე.
ნებისმიერ პაკეტთან ერთად